Nazirlik: 5 milyon 638 min nəfər pulsuz tibbi müayinədən keçirilib, 338 min nəfərdə xəstəliklər aşkarlanıb

Nazirlik: 5 milyon 638 min nəfər pulsuz tibbi müayinədən keçirilib, 338 min nəfərdə xəstəliklər aşkarlanıb Bakı. 23 may. REPORT.AZ/ Azərbaycan Prezidenti İlham Əliyevin tapşırığına uyğun olaraq, ölkədə əhalinin tibbi profilaktik müayinəsi ilə bağlı işlər davam edir.
Sağlamlıq
23 May , 2018 12:06
Nazirlik: 5 milyon 638 min nəfər pulsuz tibbi müayinədən keçirilib, 338 min nəfərdə xəstəliklər aşkarlanıb
0 : 00
0 : 00

Bakı. 23 may. REPORT.AZ/ Azərbaycan Prezidenti İlham Əliyevin tapşırığına uyğun olaraq, ölkədə əhalinin tibbi profilaktik müayinəsi ilə bağlı işlər davam edir.

Səhiyyə Nazirliyinin mətbuat xidmətindən "Report"a verilən məlumata görə, səhiyyə nazirinin müavini Nigar Əliyevanın “Azərbaycan Respublikası əhalisinin tibbi müayinələrdən keçirilməsi barədə” imzaladığı sərəncama əsasən, bu ilin fevral ayının 12-dən may ayının 12-dək nəzərdə tutulan əhalinin tibbi müayinəsi yekunlaşıb.

Tibbi müayinələrdən 18 yaşdan yuxarı 5 milyon 638 min 115 nəfər yararlanıb. Onlardan 2697445 kişi, 2940670 nəfəri qadındır. Müraciət edənlərin 338013 nəfərində müxtəlif növ ilkin xəstəliklər aşkarlanıb.

Müayinələrdə yüksək göstəricilər qan dövranı sistemi və tənəffüs sistemi xəstəlikləri üzrə qeydə alınıb. Hər iki xəstəlikdən ayrı-ayrılıqda 50 mindən çox insanın əziyyət çəkdiyi aşkarlanıb. Ən aşağı göstərici isə infeksion xəstəliklər üzrə müşahidə olunub, cəmi 8015 insanda bu cür hallar üzə çıxıb.

Müayinələr zamanı 27663 nəfər hospitalizə olunub, 58563 şəxs dispanser nəzarətinə alınıb, 1810880 nəfər əlavə müayinələrə cəlb olunub.

Respublikanın şəhər və rayonlarının tibb idarə və müəssisələrinin rəhbərlərinin və regionlara ezam olunan mütəxəssislərdən ibarət qrupların səyləri nəticəsində 166 min 277 nəfər sağlamlaşdırılıb.

Əhalinin tibbi profilaktik müayinəsi ilə bağlı təbirlər gələcəkdə də davam etdiriləcək.

Son xəbərlər

Orphus sistemi