Azərbaycanda keçən il 14 yaşadək 179 uşaqda vərəm aşkarlanıb

Bakı. 10 avqust. REPORT.AZ/ "Keçən il Azərbaycanda vərəmlə xəstələnmə üzrə 100 min nəfərə 41,3 insan düşüb".

"Report"un məlumatına görə, bunu Elmi Tədqiqat Аğ Ciyər Xəstəlikləri İnstitutunun (ETACXİ) elm üzrə direktor müavini İradə Axundova deyib.

O bildirib ki, bu rəqəm 2014-cü ildə 45,9 nəfər olub.

İradə Axundova onu da qeyd edib ki, uşaqlar və yeniyetmələr arasında keçən il üçün ümumilikdə 369 nəfər (2014-cü ildə 400 nəfər) vərəm xəstəsi kimi qeydiyyata alınıb: "Bunlar arasında 179 nəfər (2014-cü ildə 178 nəfər) 0-14 yaş, 190 nəfəri (2014-cü ildə 222 nəfər) isə 15-17 yaş arasında olub.