Yuxarı
    Bağlamaq

    Cərrah-uroloq: "İran dərmanlarının tərkibində tanımadığımız maddələr olur"

    Azərbaycandan İrana gedən xəstələr ilkin mərhələdə ağrıları kəsildiyi üçün həkimlərdən razı qalırlar

    Bakı. 22 oktyabr. REPORT.AZ/ "Böyrək xəstəliyi ilə bağlı İran dərmanlarına çox güvən yoxdur. Çünki həmin dərmanın tərkibində tanımadığımız maddələrdən istifadə olunur". Bunu "Report"a açıqlamasında Azərbaycan Tibb Universitetinin (ATU) Tədris Cərrahiyyə Klinikasının Urologiya şöbəsinin müdiri, cərrah-uroloq Fikrət Əhmədov deyib.

    Onun sözlərinə görə, həmin dərmanların tərkibində ağrıkəsicilərin miqdarının çox olması ehtimalı var: "Azərbaycandan İrana gedən xəstələr ilkin mərhələdə ağrıları kəsildiyi üçün həkimlərdən razı qalırlar. Lakin müalicə dövründə effektiv nəticə almadıqda ağırlaşmış halda bizə müraciət edirlər. Belə olduğu halda isə bizim müalicə mərhələmiz də uzanmış olur".

    Uroloq onu da qeyd edib ki, İrana gedib ağırlaşmalarla yenidən Azərbaycandakı həkimlərə müraciət edən xəstələrin sayı kifayət qədərdir: "Xəstələr az vəsaitlə təcrübəsiz həkimə müraciət edir və pulu qurtardıqda ödəniş etmədiyi üçün xəstəxanadan çıxarılırlar. Nəticə isə təbii ki, ürəkaçan olmur".  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi