Yuxarı
    Bağlamaq

    Goranboyda əllidən çox azyaşlı arasında kəskin qrip virusu yayılıb - FOTO

    Azyaşlılarda halsızlıq, yüksək hərarət müşahidə olunur

    Goranboy. 4 yanvar. REPORT.AZ/ Goranboy rayonunda uşaqlar arasında kəskin qrip virusu yayılıb.

    "Report"un Qərb bürosunun məlumatına görə, gün ərzində Goranboy Rayon Mərkəzi Xəstəxanasına 10-dan artıq, yeni ilin ilk günlərində isə 50-dən çox azyaşlı müraciət edib.

    Yüksək hərarət, öskürək, tənəffüs çatışmazlığı, qusma halları ilə narahatlıq keçirən 1-3 yaşarası körpələr, habelə 3-5 yaş arası uşaqlar Goranboy Rayon Mərkəzi Xəstəxanasının Uşaq Şöbəsinə gətirilib. Xəstəxanın pediatrı Təranə Həsənovanın sözlərinə görə, müraciət edənlərin sayı gecə saatlarında daha da artır.

    Müxtəlif yaşlı uşaqlarda günün ikinci yarsından sonra halsızlıq, yüksək hərarət artaraq ağırlaşma halları ilə müşahidə olunur. Virusa yoluxanlara ilkin yardım göstərilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi