Yuxarı

Deputat özəl tibb sektorunda assosiasiyanın yaradılmasını təklif edib

Deputat özəl tibb sektorunda assosiasiyanın yaradılmasını təklif edib

"Özəl tibb sektorunda assosiasiyanın yaradılması çox vacibdir".

"Report" xəbər verir ki, bunu Milli Məclisin Səhiyyə komitəsinin sədr müavini Musa Quliyev "Tibb biznesi forumu: mövcud vəziyyət və perspektivlər"mövzusunda keçirilən tədbirdə çıxış edərkən deyib.

Onun sözlərinə görə, müxtəlif sahələr üzrə assosiasiyalar var: "Amma özəl tibb sektorunda çalışan həkimləri koordinasiya edən, onların ümumi maraqlarını, problemlərini müzakirə edən, cəmiyyətə, dövlət orqanlarına çatdıran qurum yoxdur. Belə bir assosiasiyanın olması gələcəkdə bu sistemin daha geniş inkişaf etməsinə şərait yaradacaq".

Sədr müavini Azərbaycanda tibbi turizminin də birtərəfli inkişaf etməsindən təəssüfləndiyini bildirib: "Çünki tibbi turizmlə məşğul olanlar Azərbaycandan qonşu ölkələrə xəstə axını təşkil edir. Ona görə də Azərbaycana da İrandan, Gürcüstandan, Türkiyədən, Dağıstandan xəstə insanların müalicəyə gəlməsi üçün normal sistem qurulmalıdır. Vətəndaşlarımızı xaricə göndərməklə tibbi turizm sahəsində uğur qazana bilmərik".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi