Yuxarı
    Bağlamaq

    Bir ay ərzində üç mindən çox insanda infeksion xəstəliklər aşkarlanıb

    Aşkarlanmaların nəticəsi olaraq 30 518 nəfər dispanser qeydiyyata götürülüb

    Bakı. 11 aprel. REPORT.AZ/ Bu ilin fevral ayından mart ayına kimi ölkə üzrə ümumilikdə 1940603 nəfər icbari dispanzerizasiyadan keçib.

    Səhiyyə Nazirliyindən “Report”a verilən məlumata görə, bunlardan 1715014 böyüklərin, 225589 nəfər isə uşaqların payına düşür.

    Müayinələr zamanı ümumilikdə 3053 nəfərdə infeksion, 793 nəfərdə yenitörəmələr, 4368 nəfərdə qanyaradıcı xəstəliklər, 4368 nəfərdə endokrin və s. xəstəliklər aşkarlanıb.

    Bundan başqa, tibbi müayinədən keçirilənlər sırasında həzm üzvlərinin xəstəliklərinə, virus və yoluxucu xəstəliklərə, dəri xəstəliklərinə, tənəffüs, görmə və eşitmə pozğunluqlarına, hamiləlik və zahılıq dövrünün xəstəliklərinə də rast gəlinib.

    Aşkarlanmaların nəticəsi olaraq 30518 nəfər dispanser qeydiyyata götürülüb. 70535 nəfər sağlamlaşdırılıb, 13366 hospitalizə olunub, 783745 əlavə müayinələrə cəlb olunub. Bura rentgen, laborator, USM və EKQ müayinələri daxildir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi