Yuxarı
    Bağlamaq

    Baş direktor müavini: "Xəstəxanada müalicə alan neftçilərdən ikisi bu gün evə buraxılacaq"

    Nadir Mehdiyev: Müayinə nəticəsində heç kəsdə psixoloji problem aşkar olunmayıb

    Bakı. 7 dekabr. REPORT.AZ/ "Günəşli" yatağının 10-cu dərin dəniz özülündə baş vermiş yanğın və qəza nəticəsində xəsarət alanlardan evə buraxılan 21 nəfər növbə ilə bu gün Mərkəzi Neftçilər Xəstəxanasına gələcək. Artıq 10-a yaxın xəstə yenidən müayinədən keçib". "Report" xəbər verir ki, xəstəxananın baş direktor müavini Nadir Mehdiyev jurnalistlərə açıqlamasında belə deyib. 

    Onun sözlərinə görə, xəstələr üçün artıq psixoloq ayrılıb: "Xəstəxanada müalicə alan 9 nəfərdən ikisi bu gün evə buraxılacaq. Digərlərinin isə yəqin ki, 2 -3 günə evlərinə getmələrinə icazə veriləcək. Xəstələr arasında zədələrə görə əmək qabiliyyətini itirən yoxdur. Sadəcə, zədələnmə ola bilər, bu da normaldır. Lakin müayinə nəticəsində heç kəsdə psixoloji problem aşkar olunmayıb".

    N.Mehdiyev əlavə edib ki, xəstəxanada yatan 4 neftçi cərrahiyyə şöbəsində, 2-si lor, 3-ü isə terapiya şöbəsində müalicəsini davam etdirir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi