Yuxarı
    Bağlamaq

    Bakıda avtobusların toqquşması zamanı yaralananların adları və diaqnozları məlum olub - SİYAHI

    6 nəfər evə buraxılıb

    Bakı. 8 aprel. REPORT.AZ/ Bakının Nizami rayonu ərazisində 103 və 30 saylı xətt marşrutu üzrə hərəkət edən sərnişin avtobuslarının və minik avtomobilinin toqquşması nəticəsində 3 saylı Şəhər Klinik Xəstəxanasına aparılan yaralıların adları və diaqnozları məlum olub. Xəstəxananın qəbul şöbəsindən "Report"a verilən məlumata görə, travmatologiya şöbəsinə yerləşdirilən 1969-cu il təvəllüdlü Fatma Babazadəyə isə sağ bazu oynağının əziyi diaqnozu qoyulub.

    50-55 yaşlı naməlum kişi döş qəfəsinin və qarının əzilməsi diaqnozu ilə xəstəxananın reanimasiya şöbəsinə yerləşdirilib.

    Ambulator müalicəyə buraxılan xəstələr isə aşağıdakılardır:

    1987-ci il təvəllüdlü Mehri Əliyeva - sol baldırın əzilməsi

    1937-ci il təvəllüdlü Abbas Qurbanov - sağ qaşüstü nahiyənin cırılmış yarası

    1940-cı il təvəllüdlü Tamella Qurbanova - alt dodağın cırılmış yarası

    1951-ci il təvəllüdlü Gülmərcan Kərimova - hər iki diz oynağının əzilməsi

    57 yaşlı Gövhər Zeynalova - döş qəfəsinin əzilməsi

    82 yaşlı Əzizə Mirzəyevaya isə sağ baldırın aşağı üçdə birinin qapalı yerdəyişməsi sınığı.

    Qeyd edək ki, hadisə nəticəsində bir nəfər ölüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi