Yuxarı
    Bağlamaq

    Erkən nikaha girən qadınlarda hamiləliyin yaratdığı fəsadlar açıqlanıb

    Sevinc Məmmədova: “Gənc analar tez-tez hamiləliyin başa çatdırılmaması problemi ilə üzləşirlər”

    Bakı. 21 fevral. REPORT.AZ/ Səhiyyə Nazirliyinin Doğuşayardım Komissiyasının sədri, Respublika Perinatal Mərkəzinin baş həkimi, ölkənin baş mama-ginekoloqu Sevinc Məmmədova erkən nikah nəticəsində qadınlarda hamiləliyin fəsadlarından danışıb.

    “Report” xəbər verir ki, S.Məmədova son illər ölkədə erkən nikahların sayının azaldığını bildirib.

    O, buna səbəb kimi gənc Azərbaycan qızlarının oxumağı, karyera qurmağı üstün tutmalarını göstərib. 
    Erkən nikahların sağlamlığa ziyanına gəlincə, mütəxəssis qeyd edib ki, gənc analar tez-tez hamiləliyin başa çatdırılmaması problemi ilə üzləşirlər: “Çünki gənc anaların bədənləri, qaraciyər, böyrək, qan-damar sistemləri mükəmməl olmadığı üçün onların hamiləliyinin qorunub saxlanılması və sona kimi çatmasında müəyyən problemlər müşahidə olunur”.

    S.Məmmədova əlavə edib ki, Ümumdünya Səhiyyə Təşkilatının tövsiyələrinə görə, ilk hamiləlik 18-25 yaş arasında olmalıdır: “Belə olanda gənc analar mövcud problemləri daha az yaşayırlar”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi