Yuxarı
    Bağlamaq

    Bu gündən Azərbaycanda peyvənd həftəsi başlayır

    Nəticələr haqqında məlumatlar mayın 20-dək Respublika Gigiyena və Epidemiologiya Mərkəzinə təqdim ediləcək

    Bakı. 25 aprel. REPORT.AZ/ Bu gündən etibarən Azərbaycanda immunlaşdırma (peyvənd) həftəsi başlayır. "Report"un xəbərinə görə, bununla bağlı səhiyyə naziri Oqtay Şirəliyev "Respublikada İmmunlaşdırma həftəsi”nin keçirilməsi barədə" əmr də imzalayıb.

    Əmrdə aprel ayının 25-30 tarixlərində respublikanın bütün şəhər və rayonlarında "İmmunlaşdırma həftəsi"nin keçirilməsi, ölkənin tibb idarə və müəssisələrinin rəhbərlərinə hər hansı səbəblərə görə immunlaşdırmadan kənarda qalan uşaqların “İmmunlaşdırma həftəsi” ərzində peyvəndlərə cəlb olunmasının təminatı tapşırılır.

    Eyni zamanda, “İmmunlaşdırma həftəsi”nin nəticələri haqqında məlumatların mayın 20-dək Respublika Gigiyena və Epidemiologiya Mərkəzinə təqdim edilməsi, “İmmunlaşdırma həftəsi”nin yekun nəticələri haqqında məlumatların mayın 27-nə kimi Səhiyyə Nazirliyinə təqdim edilməsi tapşırıqları verilir.

    Xatırladaq ki, Ümumdünya Səhiyyə Təşkilatının təşəbbüsü ilə 2006-cı ildən başlayaraq Avropa regionunda "İmmunlaşdırma həftəsi" keçirilir və Azərbaycanın Səhiyyə Nazirliyi 2007-ci ildən bu tədbirə qoşulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi