Yuxarı
    Bağlamaq

    Azərbaycanda İİV-lə bağlı keçirilən Avropa Həftəliyinin yekun nəticələri açıqlanıb

    Testdən keçən 2 587 nəfərdən ikisində İİV infeksiyası aşkar olunub

    Bakı. 21 dekabr. REPORT.AZ/ Noyabrın 20-dən dekabrın 1-nə kimi Azərbaycanda İİV-lə (İnsanın İmmun çatışmazlığı Virusu) bağlı keçirilən Avropa Həftəliyinin yekun nəticələri açıqlanıb. Bu barədə "Report"a məlumat verən Səhiyyə Nazirliyi Respublika QİÇS-lə Mübarizə Mərkəzinin əməkdaşı Ceyhun Nəcəfov bildirib ki, 10 artıq şəhər və rayonda keçirilən tədbir zamanı 2 587 nəfər testdən keçib.

    Mərkəz rəsmisinin sözlərinə görə, həmin insanlardan yalnız 2 nəfərində İİV infeksiyası aşkar olunub ki, onların hər ikisi gəncdir. 

    O bildirib ki, əsas məqsəd erkən yoluxmanı aşkar etməkdir. 

    Xatırladaq ki, müayinələr əsasən dövlət və özəl təşkilatlarda, eləcə də bir neçə ali təhsil müəssisələrində keçirilib.

    Qeyd edək ki, İİV-lə bağlı keçirilən Avropa Həftəliyi Gənclər və İdman Nazirliyinin təşkilati dəstəyi baş tutub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi