Azərbaycan və İran arasında səhiyyə sahəsində əməkdaşlığın inkişafı məsələləri müzakirə olunub

Bakı. 10 mart. REPORT.AZ/ Azərbaycanda səfərdə olan İranın səhiyyə nazirinin müavini Rəsul Binarvend azərbaycanlı həmkarı Elsevər Ağayevlə görüşüb.

Bu barədə "Report"a İranın Azərbaycandakı səfirliyindən məlumat verilib.

Görüşdə Azərbaycan və İran arasında səhiyyə sahəsində ikitərəfli əməkdaşlığın inkişafı məsələləri, eləcə də hər iki tərəfin həkimlərdən ibarət nümayəndə heyətlərinin qarşılıqlı səfərlərinin detalları müzakirə olunub.

Səfirlikdən onu da bildiriblər ki, görüşdə Azərbaycanda əczaçılıq zavodunun yaradılması perspektivlərinə xüsusi diqqət ayrılıb.