Ötən ay Azərbaycan Gürcüstandan 2,5 mln. dollarlıq dərman vasitələri alıb

Tbilisi. 19 fevral. REPORT.AZ/ Ötən ay Azərbaycan Gürcüstandan 67.2 ton dərman preparatları alıb.

“Report”un yerli bürosu xəbər verir ki, bu barədə Gürcüstanın Milli Statistika İdarəsinin ilkin hesabatında bildirilib.

Gürcüstandan Azərbaycana ixrac olunan medikamentlərin ümumi dəyəri 2 mln. 566,8 min dollar təşkil edib.

İllik müqayisədə Azərbaycanın Gürcüstandan idxal etdiyi dərman vasitələrinin dəyəri 49,4 min dollar, həcmi isə 16,4 ton artıb.

Ötən ilin yanvarında Gürcüstandan Azərbaycana 2 mln. 517,4 min dollar dəyərində 50,8 ton dərman ixrac olunub.