Yuxarı
    Bağlamaq

    Azərbaycanda 2016-2019-cu illərdə səhiyyənin inkişafının əsas istiqamətləri açıqlanıb

    Tibbi sığorta sisteminin yaradılması da nəzərdə tutulub

    Bakı. 24 sentyabr. REPORT.AZ/ Azərbaycanda 2016-2019-cu illər ərzində 5 yaşadək uşaqlar və analar arasında ölüm hallarını azaltmaq, İİV/AİDS, eləcə də malyariya, vərəm, şəkərli diabet, ürək-damar və irsi xəstəlik hallarının yayılmasının qarşısını almaq və bu xəstəliklərlə əlaqədar ölüm hallarını azaltmaq sahəsində ardıcıl tədbirlər həyata keçiriləcək.

    "Report" xəbər verir ki, bu barədə Azərbaycan Respublikasının 2016-ci il dövlət büdcəsinin zərfində, o cümlədən "2016-2019-cu illər üçün orta müddətli iqtisadi-sosial inkişaf konsepsiyası" sənədində bildirilib.

    Konsepsiyaya əsasən, 2016-2019-cu illərdə səhiyyə sahəsində qarşıya qoyulan əsas məqsədlər ilkin səhiyyə xidmətlərinin gücləndirilməsi, əhalinin sağlamlığının monitorinqinin genişləndirilməsi məqsədi ilə məlumat informasiya sisteminin təkmilləşdirilməsi, tibbi sığorta sisteminin yaradılması, səhiyyənin maliyyələşdirilməsi sahəsində islahatların aparılması, tibbi təhsilin islahatı və dövlət sanitariya-epidemioloji nəzarətin təkmilləşdirilməsi və fövqəladə vəziyyətlərə qarşı hazırlığın gücləndirilməsindən ibarətdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi