Xəstəxanaların çarpayılar üzrə doluluq səviyyəsi açıqlandı

“Təhlillər onu göstərir ki, icbari tibbi sığortanın tətbiq olunmadığı Bakıdakı xəstəxanaların çarpayılar üzrə doluluq səviyyəsi 40%, regionlarda isə 30%-dir”.

“Report” xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışı zamanı deyib.

TƏBİB sədrinin sözlərinə görə, bir sıra xəstəxanalarda dializ və digər zəruri xidmətlər davam etdiriləcək:

“Bütün izolyasiya tədbirləri, təbii ki, orada təmin ediləcək. Digər xəstəliklər üzrə tibbi xidmətlərin göstərilməsində heç bir problem olmayacaq”.