Tümendə xəstələr Azərbaycan nefti ilə müalicə olunacaqlar

Bakı. 23 mart. REPORT.AZ/ Rusiyanın Tümen şəhərində xəstələr Azərbaycanın Naftalan rayonundan gətiriləcək neft ilə müalicə olunacaqlar.

"Report" xəbər verir ki, bu barədə yerli mətbuat yazıb.

Bildirilir ki, Naftalan neftindən 1 saylı Kliniki Xəstəxananın nəzdindəki Bərpa Mərkəzində istifadə olunacaq.

Mərkəzdən qeyd olunub ki, bu neft ginekoloji və uroloji xəstəliklərin müalicəsi zamanı çox faydalıdır. Bununla yanaşı, neft dəri və damarlara müsbət təsir göstərir.