Son iki gündə evdə müalicə olunaraq sağalanların sayı açıqlandı

“Evdə müşahidəyə cəlb olunan 12 862 vətəndaşımızın tam əksəriyyəti - 8 mindən artığı koronavirusla bağlı test analizlərinin nəticəsi mənfi olanlardır”.

“Report” xəbər verir ki, bunu Səhiyyə Nazirliyinin Aparat rəhbəri Nadir Zeynalov Nazirlər Kabineti yanında Operativ Qərargahın bu gün keçirilən brifinqində deyib.

“Hər gün vətəndaşlarımızın bir qismi sağalır və ambulator klinik nəzarətdən də çıxırlar. Dünən 557 nəfər, bu gün 227 nəfər sağalaraq ambulator klinik nəzarətdən də çıxıblar”, - o bildirib.