Səhiyyə Nazirliyi sertifikasiya imtahanları ilə bağlı məlumat yaydı

Səhiyyə Nazirliyi sertifikasiya imtahanlarında iştirak edəcək namizədlərə müraciət edib. 

"Report" xəbər verir ki, müraciətdə Azərbaycan ərazisində xüsusi karantin rejiminin müddətinin mayın 4-dək uzadıldığı əsas gətirilərək həmin ayda keçirilməsi nəzərdə tutulan sertifikasiya imtahanlarının ləğv olunduğu qeyd olunub.

Yeni imtahan cədvəli hazırlandıqdan sonra, imtahana namizəd şəxslərə imtahan tarixləri barədə məlumat veriləcək.

Əlavə məlumat almaq üçün (012) 433-08-93 nömrəli şəhər və (099) 8915000 nömrəli mobil telefonları ilə əlaqə saxlaya bilərsiniz.