Orqan Transplantasiyası Mərkəzinin nizamanaməsi hökumətə təqdim edilib

"Səhiyyə Nazirliyi “Orqan Donorluğu və Transplantasiyası üzrə Koordinasiya Mərkəzi” publik hüquqi şəxsin nizamnaməsini hazırlayıb və təsdiq olunması üçün hökumətə təqdim edib”.

"Report" xəbər verir ki, bunu Milli Məclisin Səhiyyə komitəsinin sədri Əhliman Əmiraslanov deyib.

Onun sözlərinə görə, beyin ölümü diaqnozunun qoyulması da daxil olmaqla müvafiq sənədlər zərfi hazırlanıb: “Donorlar, respiyentlər və həmin donor orqanlarının vahid dövlət informasiya bazası da Koordinasiya Mərkəzinin nəzdində fəaliyyət göstərəcək”.