Gələn aydan AQTA və Turizm Agentliyi istirahət mərkəzlərində monitorinqlərə başlayır

Bakı. 29 iyun. REPORT.AZ/ "Son zamanlar ölkəyə çox sayda turistlər gəlir. Ona görə də ölkənin turistik zonalarında Turizm Agentliyi ilə birlikdə qida təhlükəsizliyi üzrə dövlət nəzarəti həyata keçiriləcək".

"Report" xəbər verir ki, bunu Azərbaycan Qida Təhlükəsizliyi Agentliyinin sədri Qoşqar Təhməzli keçirdiyi mətbuat konfransında deyib.

O qeyd edib ki, mövsümi xarakter daşıyan istirahət zonalarında insanlar kütləvi şəkildə qidalanırlar: "Gələn aydan başlayaraq Turizm Agentliyinin əməkdaşları ilə birlikdə həmin iaşə obyektlərində monitorinq və audit tədbirləri aparılacaq".