Bakıda xəstəxanaya yerləşdirilən tələbə qızlar evə buraxılıb

Bakıda xəstəxanaya yerləşdirilən tələbə qızlar evə buraxılıb.

Bu barədə "Report"a Səhiyyə Nazirliyinindən məlumat verilib.

Məlumatda bildirilib ki, qastroenterit (mədə soyuqlaması, sulu ishal, qarın krampları, mədə bulantısı və qusma ilə xarakterizə edilən infeksiya) diaqnozu ilə Kliniki Tibbi Mərkəzə çatdırılan iki tələbə qızın müalicəsi başa çatıb. Bu gün onlar evə buraxılıblar.