Azərbaycanda koronavirusdan sağalanların sayı 30 mini keçib

Hazırkı dövrədək Azərbaycanda 33 min 481 nəfərin koronavirus infeksiyasına yoluxması faktı müəyyən edilib. Onlardan 30 min 56 nəfər müalicə olunaraq sağalıb, 488 nəfər vəfat edib.

Bu barədə "Report"a Nazirlər Kabineti yanında Operativ Qərargahdan məlumat verilib.

Bu gün isə koronavirus infeksiyasından daha 360 nəfər sağalıb, 105 yoluxma faktı qeydə alınıb.

COVID-19 üçün götürülən analiz nümunələri müsbət çıxmış 5 nəfər vəfat edib.