Azərbaycan Gürcüstandan dərman idxalını kəskin azaltdı

Bu ilin yanvar ayında Azərbaycan Gürcüstandan 23,8 ton dərman preparatı idxal edib.

Bu barədə “Report”un yerli bürosunun sorğusuna cavab olaraq Gürcüstanın Milli Statistika İdarəsindən bildirilib.

Qonşu ölkədən Azərbaycana ixrac olunan medikamentlərin dəyəri 830,3 min ABŞ dolları təşkil edib.

İllik müqayisədə Azərbaycanın Gürcüstandan tədarük etdiyi dərman vasitələrinin həcmi 43,4 ton və ya 2,8 dəfə azalıb.