Yerevanda nümayişçilər müdafiə nazirinin avtomobilini mühasirəyə alıb

Bakı. 20 aprel. REPORT.AZ/ Yerevanda müxalifətçi Nikol Paşinyanın tərəfdarları Ermənistanın müdafiə naziri Viqen Sarkisyanın maşınının keçdiyi yolu bağlayıb, mühasirəyə alıb və onun getməsinə mane olublar.

“Report” “İnterfax”a istinadən xəbər verir ki, məlumatı Ermənistanın Müdafiə Nazirliyi yayıb.

Nazirlikdən bildirilib ki, aksiya iştirakçıları avtomobilə ziyan vurub, onu döyəcləyərək əziblər.

Qeyd edək ki, hazırda Yerevanda Serj Sarqsyanın baş nazir olmasına etiraz mitinqi keçirilir.