Yuxarı

​Yerevanda məhbus intihar edib

Qor Qleçyan: Kamera yoldaşları ona yardım etməyə cəhd göstəriblər

Bakı. 2 mart. REPORT.AZ/ Yerevanda "Nubaraşen" cəza müəssisəsində 40 yaşlı məhbus özünü asaraq intihar edib.

"Report" Ermənistan KİV-inə istinadən xəbər verir ki, bu hadisəni ölkə Ədliyyə Nazirliyinin cəza müəssisələri yanında ictimaiyyətlə əlaqə bölməsinin rəisi Qor Qleçyan da təsdiqləyib.

Onun sözlərinə görə, məhkum həbsxana kamerasında tək olmayıb: "Kamera yoldaşları ona yardım etməyə cəhd göstəriblər. Sonra həkimi çağırıblar, ancaq onu xilas etmək mümkün olmayıb".

Hadisə ilə bağlı araşdırma aparılır. Məhbusun kimliyi açıqlanmayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi