Yuxarı

Yerevanda kimya zavodunda yanğın ikinci gündür davam edir

Yerevanda kimya zavodunda yanğın ikinci gündür davam edir
Dörd beton etinol rezervuarından 3-də yanğın söndürülüb

Bakı. 29 avqust. REPORT.AZ/ Yerevanda "Nairit" kimya zavodunda yanğın ikinci gündür davam edir.

"Report" Ermənistan mətbuatına istinadən xəbər verir ki, ölkənin Fövqəladə Hallar Nazirliyi zavodda yanğının söndürülməsi üzrə işlərin bütün gecə davam etdiyini bildirib.

Hazırda 4 beton etinol rezervuarından 3-də yanğın söndürülüb.

Xatırladaq ki, "Nairit" zavodunda yanğın siqnalı avqustun 28-də saat 13:10 radələrində daxil olub.

Qeyd edək ki, Ermənistanda uzun müddətdir fəaliyyət göstərən müəssisələrdən olan "Nairit" müflis olmaq həddindədir. Bu illər ərzində müəssisənin əvvəlcə Sənaye Nazirliyinə məxsus olan səhmləri bir neçə dəfə əldən-ələ keçib, lakin səhmdarlardan və investorlardan heç biri onun yenidənqurulması üçün lazımi miqdarda vəsait xərcləməyib. Müəssisə rəhbərliyi isə işçilərin əmək haqqının vaxtlı-vaxtında verilməməsi və digər ödənişlərin edilməməsi səbəbindən daim qalmaqalların mərkəzində olub.

2015-ci ilin fevral ayında zavodda çoxsaylı yüksək ixtisaslı mütəxəssislər də olmaqla işçilərin 2/3 hissəsi işdən azad edilib.

"Shamshyan.com" saytının yaydığı məlumata görə, yanğın zavodda rezervuarların birində baş vermiş partlayışdan sonra başlayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi