Yuxarı

Yerevanda baş vermiş atışmada iştirak edənlərdən biri həbs edilib

Yerevanda baş vermiş atışmada iştirak edənlərdən biri həbs edilib
Qətl işi üzrə R.Xaçaturyana qarşı ittiham irəli sürülüb

Bakı. 24 sentyabr. REPORT.AZ/ Ermənistanın İstintaq Komitəsində Yerevan Vernisajında baş vermiş qətl işi üzrə 60 yaşlı R.Xaçaturyana qarşı ittiham irəli sürülüb.

"Report"un məlumatına görə, bu haqda komitədən "News.am"a xəbər verilib.

Sentyabrın 14-də Yerevanın mərkəzində, Vernisajın yaxınlığındakı mehmanxanada atışma olub. Atışma zamanı 1974-cü il təvəllüdlü Qaqik Mosinyan öldürülüb. 1978-ci il təvəllüdlü Vaaqn Abqaryan isə yaralanaraq xəstəxanaya yerləşdirilib.

İstintaq qətlin əvvəlcədən hazırlandığını müəyyən edib. Faktla bağlı üç şübhəli şəxs barəsində axtarış elan edilib.

Onlardan biri – R.Xaçatryan həbs edilib və istintaqa təhvil verilib. Artıq o, sorğu-sual edilir.

İstintaq davam edir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi