Yuxarı
    Bağlamaq

    Yerevanda avtobusun partlaması ilə bağlı ilkin rəsmi açıqlama yayılıb

    Həmin trotilin izi partlayan avtobusda aşkar edilib

    Bakı. 26 aprel. REPORT.AZ/ "Yerevanda 63 saylı marşrut avtobusunu iki dəfə məhkum olunmuş Ermənistan vətəndaşının partlatdığı ehtimal edilir".

    "Report" Ermənistan KİV-inə istinadən xəbər verir ki, bunu ölkənin Milli Təhlükəsizlik Xidməti bildirib.

    Məlumata görə, partladılan avtobusun yaxınlığından cib telefonu kartı aşkar edilib. Həmin kartın əvvəllər iki dəfə məhkum edilən Ermənistan vətəndaşına məxsus olduğu müəyyənləşib. Həmin şəxsin yaşadığı mənzildə aparılan axtarış zamanı oradan "trotil" partlayıcı maddə, detonator və müxtəlif elektron avadanlıq aşkar olunub. İddiaya görə, həmin "trotil"in izi partlayan avtobusda aşkarlanıb.

    Hadisə nəticəsində 2 nəfər ölüb, 7 nəfər yaralanıb. Ölənlərdən birinin kimliyi məlumdur. O birinin isə telefon kartının sahibi olduğu ehtimal olunur. DNT testi etmək üçün həmin cəsəddən nümunə götürülərək laboratoriyaya göndərilib.

    Hadisənin törədilməsinin səbəbi araşdırılır. Bəzi məlumatlara əsasən, hadisə şəxsi motivdə törədilib. Partlayışı törədən bununla yaxınlarına maddi ziyan vurmaq istəyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi