Yuxarı

​Yerevan sakinləri "Qazprom Armeniya"ya qarşı etiraz aksiyası keçiriblər

Serj Sarqsyan və Qazpromun sədri Aleksey Miller kompleksin təməlqoyma mərasimində iştirak edib

Bakı. 17 aprel. REPORT.AZ/ Yerevanın Tsarav Axipor küçəsinin sakinləri yaşadıqları binanın yanında "Qazprom Armeniya" şirkətinə aid idman-təhsil kompleksinin tikilməsinə etiraz olaraq aksiya keçiriblər.

"Report" xəbər verir ki, bu haqda Ermənistan KİV-i məlumat yayıb.

Ərazi hərrac keçirilmədən şirkətə verilib.

Sakinlər bildirib ki, Yerevanın icra başçısı Taron Marqaryan onlara həmin ərazidə uşaq bağçası və oyun meydançası tikəcəyinə boyun olubmuş. O, uşaqlar üçün nəzərdə tutulan həmin obyektlərin 2015-ci ilin əvvəlində istismara veriləcəyinə söz veribmiş.

Sakinlər bildirir ki, "Qazprom Armeniya" həmin kompleksi tikəcəyi halda ərazidə sıxlıq yaranacaq.

Məlumatda bildirilib ki, ötən gün Ermənistan prezidenti Serj Sarqsyan və Rusiyanın "Qazprom" Açıq tipli Səhmdar Cəmiyyətinin sədri Aleksey Miller isə kompleksin təməlqoyma mərasimində iştirak edib.

Xatırladaq ki, "Qazprom Armeniya" Rusiyanın "Qazprom" şirkətinə məxsusdur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi