Bakı. 6 sentyabr. REPORT.AZ/ Rusiyanın Xəzər Dəniz Donanması "Qafqaz-2016" strateji komanda-qərargah təlimləri çərçivəsində gəmi qruplaşmalarını hazır vəziyyətə gətirib.
"Report" Rusiya KİV-ə istinadən xəbər verir ki, artıq 10 hərbi gəmi, kater və təminat gəmilərindən ibarət qruplar dəniz poliqonlarına gəlib.
Onlar şərti düşmənin gəmi qruplaşmalarının dağıdılması, gəmiçilik, neft və qaz sənayesi obyektlərinin müdafiəsi və qeyri-qanuni silahlı birləşmələrin məhv edilməsini həyata keçirməlidir.