Yuxarı

​Voronej internatında yanğından ölənlərin sayı 23 nəfərə çatıb

Yanğının palatalardan birində başladığı bildirilir

Bakı. 13 dekabr. REPORT.AZ/ Rusiyanın Voronej vilayətinin yanğın baş verən Psixonevroloji internatının dağıntıları altından daha bir ölən şəxsin meyiti çıxarılıb.

"Report" xəbər verir ki, bu barədə Fövqəladə Hallar Nazirliyinin vilayət üzrə Baş İdarəsinə istinadən TASS məlumat yayıb.

"Beləliklə, yanğın nəticəsində ölənlərin ümumi sayı 23 nəfər təşkil edib, onlardan ikisi xəstəxanada keçinib", - deyə məlumatda qeyd olunub.

Hazırda xəstəxanada 20-dən çox zərərçəkən var, 3 nəfərin vəziyyəti ağırdır.

Xatırladaq ki, Azərbaycan prezidenti İlham Əliyev faciə ilə bağlı rusiyalı həmkarına başsağlığı verib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi