Vladimir Putinlə Nikol Paşinyan arasında görüş keçirilib

Bakı. 27 dekabr. REPORT.AZ/ Moskvada Rusiya Prezidenti Vladimir Putinlə Ermənistanın baş naziri vəzifəsini icra edən Nikol Paşinyan arasında görüş keçirilib.

“Report” “RİA Novosti”yə istinadən xəbər verir ki, görüş zamanı Ermənistan hökumət başçısı Rusiya ilə bütün sahələrdə münasibətləri inkişaf etdirmək niyyətində olduqlarını, Avrasiya İqtisadi Birliyi çərçivəsində inteqrasiya məsələsinə də müsbət baxdıqlarını bildirib.

N.Paşinyan həmçinin Rusiya Prezidentini 2019-cu ildə ölkəsinə səfərə dəvət edib.

V.Putin də həmsöhbətini rəhbərlik etdiyi partiyanın seçkilərdəki qələbəsi münasibətilə təbrik edib.