Vladimir Putin Yeltsinin kürəkənini özünə müşavir təyin edib

Bakı. 22 iyun. REPORT.AZ/ Rusiya prezidenti Vladimir Putin Valentin Yumaşevi özünə müşavir təyin edib.

"Report" xəbər verir ki, bu barədə Kremlin saytında bildirilib.

O, müşavir vəzifəsini ictimai əsaslarla icra edəcək.

Prezident həmçinin Aleksandr Bedritskini dövlət başçısının müşaviri vəzifəsindən azad edilməsi barədə fərman imzalayıb.

Qeyd edək ki, V.Yumaşev 1997-ci ilin mart ayından 1998-ci ilin dekabr ayına qədər Kremli Administrasiyasının rəhbəri olub. O, ikinci nikahla Rusiyanın birinci prezidenti Boris Yeltsinin qızı Tatyana Dyaçenko ilə evlənib.