Yuxarı

Vladimir Putin Kim Çen Inla görüş üçün Vladivostoka gəlib

​Vladimir Putin Kim Çen Inla görüş üçün Vladivostoka gəlib

Rusiya Prezidenti Vladimir Putin Şimali Koreya lideri Kim Çen Inla birinci görüşünün keçiriləcəyi Vladivostoka gəlib.

Bu barədə "Report" "İnterfaks"a istinadən xəbər verir.

Qeyd edilir ki, danışıqlar Russki adasında, Uzaq Şərq Federal Universitetinin şəhərciyində keçiriləcək. Kim Çen In isə artıq aprelin 24-də zirehli qatarla Rusiyaya gəlib.

Rusiya - Şimali Koreya danışıqları dörd saat davam edəcək. Bu halda dövlət başçılarının təkbətək görüşü bir saat çəkəcək. Bundan başqa, Kim Çen In nümayəndə heyətlərinin görüşündən sonra rus milli mətbəxinin yeməkləri ilə də tanış olacaq.

Sammitin əsas mövzusunun Koreya yarımadasının nüvə probleminin həlli, həmçinin Rusiya və Koreya Xalq Demokratik Respublikası arasında münasibətlər olacağı gözlənilir. 

Daha əvvəl Putin və Kim Çen Inın görüş tarixi və yeri məlum olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi