Bakı. 16 noyabr. REPORT.AZ/ Vitali Kliçko yenidən Ukraynanın paytaxtı Kiyevin meri seçilib.
"Report" UNİAN-a istinadən xəbər verir ki, bu haqda Kiyev şəhərinin ərazi Seçki Komissiyası açıqlama yayıb.
Məlumata görə, səsvermə bülletenlərinin hamısı sayılıb. Səsvermədə iştirak edən seçicilərin 66,49 faizi Vitali Kliçkoya, 33,51 faizi isə onun rəqibi Borislav Berezaya səs verib.
Qeyd edək ki, noyabrın 15-də Kiyev şəhərinə mer seçkisinin ikinci turu keçirilib.