Yuxarı

Ukraynada münaqişə nəticəsində ölənlərin sayı açıqlanıb

Ukraynanın BMT-dəki təmsilçisi Vadim Pristayko deyib ki, Rusiya Ukraynanın Donbas vilayətinə 34 minlik qoşun cəmləyib

Bakı. 29 aprel. REPORT.AZ/ Ukraynanın şərqində silahlı münaqişədə 9 min 333 nəfər həlak olub.

"Report" "Associated press"ə istinadən xəbər verir ki, bunu BMT baş katibinin siyasi məsələlər üzrə köməkçisi Taye-Bruk Zerixun bildirib.

Onun sözlərinə görə, 2014-cü ilin aprelindən Ukraynanın şərqində başlayan silahlı münaqişə nəticəsində 9 min 333 nəfər həlak olub, 21 min 396 nəfər isə yaralanıb.

BMT təmsilçisi bildirib ki, son zamanlar münaqişə bölgəsində döyüşlər intensivləşərək, 2014-cü ilin avqustundakı səviyyəyə çatıb.

BMT-nin münaqişəyə həsr edilən iclasında Rusiya və Ukrayna tərəfləri bir-birini Minsk razılaşmasını pozmaqda ittiham edib.

Ukraynanın BMT-dəki təmsilçisi Vadim Pristayko deyib ki, hibrid müharibə aparmaq məqsədi ilə Rusiya Ukraynanın Donbas vilayətinə 34 minlik qoşun cəmləyib.

Rusiyanın BMT-dəki təmsilçisi Vitali Çurkin isə "neytral əraziləri" Ukraynanın "işğal etdiyini" söyləyib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi