Yuxarı

​Ukrayna və Rusiya Brüsseldə təbii qaz problemini müzakirə edəcək

Qazprom Donbasa tədarük etdikləri mavi yanacaqla bağlı məsələni də müzakirə etmək istəyir

Bakı. 26 fevral. REPORT.AZ/ Ukraynanın "Naftoqaz" şirkəti Brüsseldə keçiriləcək üçtərəfli danışıqlarda iştirak etməyə razılıq verib.

"Report" BBC-yə istinadən xəbər verir ki, bu haqda "Naftoqaz" bildirib.

Məlumata görə, Ukrayna-Rusiya-Avrokomissiya arasında üçtərəfli danışıqlar martın 2-də keçiriləcək.

Xatırladaq ki, bu gün Avropa Birliyinin energetika məsələləri üzrə komissarı Maroş Şevçoviç Rusiyanın energetika naziri Aleksandr Novak və onun ukraynalı həmkarı Vladimir Demçişini danışıqlar üçün Brüsselə dəvət etmişdi.

Rusiyanın "Qazprom" şirkəti isə iki ölkə arasındakı təbii qaz probleminə dair danışıqlar çərçivəsində Donbasa tədarük etdikləri "mavi yanacaq"la bağlı məsələni də müzakirəyə etməyə hazır olduğunu bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi