Yuxarı
    Bağlamaq

    ​Ukrayna Suriyaya uçan Rusiya təyyarələrinə hava məkanını bağlayıb

    Arseni Yatsenyuk: Su hövzəsindəki hava məkanımız xüsusi nəzarət altındadır

    Bakı. 10 sentyabr. REPORT.AZ/ "Ukrayna Dövlət Hava Hərəkəti Xidməti Müəssisəsinə tapşırıq vermişəm ki, Rusiyanın Suriyaya hərəkət edən istənilən təyyarəsinə Avronəzarət sistemi ilə nəzarəti gücləndirsinlər".

    "Report" TASS-a istinadən xəbər verir ki, bunu Ukraynanın baş naziri Arseni Yatsenyuk slovakiyalı həmkarı Robert Fitso ilə görüşündə bildirib.

    O vurğulayıb ki, hazırda Ukraynanın hava məkanı bağlıdır: "Su hövzəsindəki hava məkanımız xüsusi nəzarət altındadır".

    Ukraynanın baş naziri bildirib ki, hazırda ölkəsinin hava məkanı Rusiyanın Suriyaya uçan təyyarələri üçün bağlıdır.

    Qeyd edək ki, ötən gün Bolqarıstan da Rusiyanın Suriyaya uçan təyyarələri üçün öz hava məkanını bağlayıb. Bu ölkənin xarici işlər naziri Daniyel Mitov bildirib ki, yüklər yoxlanıldıqdan sonra Rusiya təyyarələrinə hava dəhlizi verməyə hazırdır.

    İran isə Suriyaya humanitar yardım aparan Rusiya təyyarələrinə öz ərazisi üzərindən uçuşlara razılıq verib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi