Yuxarı
    Bağlamaq

    ​Ukrayna səfiri erməni "soyqırımı" haqqında qanun layihəsinin Ali Radaya çıxarılması məsələsini şərh edib

    Belə təşəbbüs rəsmi Kiyevin mövqeyini əks etdirmir

    Bakı. 15 aprel. REPORT.AZ/ Erməni "soyqırımı" haqqında qanun layihəsinin Ali Radanın gündəliyinə daxil edilməsi cəhdi rəsmi Kiyevin  mövqeyi deyil. Bu barədə "Report"a Ukraynanın Azərbaycandakı səfiri Aleksandr Milşenko bildirib. 

    "Həqiqətən də, parlamentin deputatı Barvinenko belə qanun layihəsinin müzakirə olunması təşəbbüsünü irəli sürüb", - səfir əlavə edib ki, həmin deputat müstəqil namizəd kimi seçilib və bu gün Radada "Vozrojdeniye" deputat qrupunu təmsil edir. 

    Onun sözlərinə görə, belə təşəbbüslər Ali Radada vaxtaşırı olaraq irəli sürülür, çünki Ukraynada böyük erməni icması yaşayır. 

    "Təbii ki, erməni diasporunun dəstəklədiyi deputatlar vasitəsilə icmanın marağında olan qərarların  qəbul edilməsi cəhdləri edilir. Demək istəyirəm ki, deputat özü və onun təmsil etdiyi qrup Ukraynada həlledici siyasi qüvvə deyil. Və bu rəsmi Kiyevin  mövqeyi deyil", - diplomat vurğulayıb.

    O bildirib ki, bu qanun layihəsinin irəli sürülməsi cəhdləri  əvvəlki illərdə  də parlamentdə müsbət bir nəticə verməyib. 

    "Ukrayna demokratik ölkədir, bizim deputatlar öz təkliflərini irəli sürə bilər, lakin son qərar Ukrayna Ali Radasında səs çoxluğu ilə qəbul edilir", - A.Mişenko deyib.

    Xatırladaq ki, aprelin 3-də Ali Radada qondarma "erməni soyqırımı"nın tanınması ilə bağlı qətnamə layihəsi qeydə alınıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi