Ukrayna rəhbərliyində ən az maaşı kim alır?

2019-cu ildə Ukrayna prezidenti Vladimir Zelenskinin aylıq maaşı 929 dollar olub.

“Report” “Ukrayna Xəbərləri”nə istinadən xəbər verir ki, prezidentlik müddətinin başladığı 20 may tarixindən dekabrın 31-dək V.Zelenski, ümumilikdə, 168 min qrivna, təxminən, 7 min dollar maaş alıb.

Eyni müddət ərzində Ukrayna Prezidenti Administrasiyasının rəhbəri Andrey Boqdan 7250 dollar maaş alıb.

Xatırladaq ki, Ukrayna hökumətinin Mətbuat xidməti bir neçə gün öncə nazirlərin maaşını açıqlamışdı. Siyahıya Ukrayna daxili işlər naziri Arsen Avakov başçılıq edib. Onun aylıq maaşı 4150 dollardır.