Yuxarı
    Bağlamaq

    Türkmənistan prezidenti 612 nəfəri əfv edib

    Onlardan 26-sı xarici ölkə vətəndaşıdır

    Bakı. 2 iyul. REPORT.AZ/ Türkmənistan prezidenti Qurbanqulu Berdiməhəmmədov müqəddəs Ramazan ayının ən fəzilətli gecəsi - Qədr gecəsi şərəfinə 612 nəfəri əfv edib.

    "Report" "RİA Novosti"yə istinadən xəbər verir ki, hökumətin iclasında dövlət başçısının imzaladığı müvafiq fərmanlara əsasən, mühakimə edilmiş 568 Türkmənistan vətəndaşı və 26 xarici vətəndaş cəzasının qalan hissəsini çəkməkdən, eləcə də müəyyən bəlli yerdə yaşamaq məcburiyyətindən qurtulub.

    Sənədləri imzalamaqla prezident səlahiyyətli şəxslərə əfv olunmuş şəxslərin Qədr gecəsini ailə üzvlərinin yanında keçirməsi məqsədilə onları qısa zamanda azadlığa buraxmağı tapşırıb. Ölkə başçısı eyni zamanda azadlığa çıxan məhbusların işlə təmin olunması barədə də göstəriş verib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi