Yuxarı

​Türkmənistan parlamenti Xəzərin dibinin bölünməsinə dair sazişi təsdiqləyib

Mayın 27-də isə Qazaxıstan parlamenti Türkmənistanla müqaviləni müzakirə edəcək

Bakı. 26 may. REPORT.AZ/ Qazaxıstanla Türkmənistan Xəzərin dibinin bölünməsinin qanuniləşdirliməsini başa çatdırmaq üzrədir.

"Report" xəbər verir ki, bu haqda Türkmənistan mətbuatı məlumat yayıb.

Xəbərə görə, Türkmənistan parlamenti Qazaxıstanla imzalanan uyğun razılaşmanı təsdiqləyib.

Qeyd edək ki, iki ölkə arasında razılaşma 2014-cü il noyabrın 7-də imzalanıb. İndiyədək ölkələrin parlamentləri bu sənədi təsdiqləməmişdi.

Türkmənistandan əvvəl, 2002-ci ildə Rusiya da Qazaxıstanla belə bir müqavilə bağlayıb.

Mayın 27-də isə Qazaxıstan parlamenti Türkmənistanla müqaviləni müzakirə edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi