Türkiyənin yük gəmisi Yunanıstanın sahil sularında yanıb

Bakı. 21 noyabr. REPORT.AZ/ Yunanıstanın sahil sularında Türkiyə bayrağı altında üzən “Kilic 1” adlı yük gəmisində yanğın baş verib.

“Report” RİA "Novosti”yə istinadən xəbər verir ki, gəminin göyərtəsində 11 nəfər olub.

Yanğın zamanı onlar gəmini tərk ediblər.

“Kilic 1” Peloponnes yarımadasının cənubunda, Tenaron burnunun cənub-şərqində yerləşir. 

Yüksüz gəmi Tunisdən Türkiyəyə doğru hərəkət edirmiş.