Yuxarı

Türkiyənin Van şəhərində partlayış törədilib, 6 polis yaralanıb

Onlardan ikisinin vəziyyətinin ağır olduğu bildirilir

Bakı. 14 iyun. REPORT.AZ/ Türkiyənin Van vilayətinin Gevaş rayonunda partlayış törədilib.

“Report” Türkiyə KİV-inə istinadən xəbər verir ki, zirehli polis avtomobilinin keçidi əsnasında PKK terrorçularının əvvəlcədən Van-Gürpınar-Gevaş yoluna yerləşdirdiyi əldəqayırma partlayıcı qurğu işə salınıb.

Nəticədə 6 polis əməkdaşı yaralanıb. Yaralılar Vandakı xəstəxanalara qaldırılıb. Onlardan ikisinin vəziyyətinin ağır olduğu bildirilir.

Hazırda terrorçuların zərərsizləşdirilməsi üçün ərazidə genişmiqyaslı əməliyyat başlayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi