Bakı. 15 avqust. REPORT.AZ/ Türkiyənin İmralı adasında Fetullahçı terror təşkilatına (FETÖ) qarşı keçirilən istintaq-əməliyyat tədbirləri çərçivəsində bir kapitan və 2 gizir saxlanılıb.
"Report" Haber7-yə istinadən xəbər verir ki, əməliyyatı terrorçuluğa qarşı mübarizə idarəsinin əməkdaşları keçirib.
Onlar Bursadakı evlərində tutulublar. Həmin hərbçilər məhkəməyə aparılıblar.
Qeyd edək ki, 1999-cu ildə Kenyada tutulduqdan sonra terrorçu PKK qruplaşmasının başçısı Abdullah Ocalan İmralıdakı qapalı tipli həbsxanada saxlanılır.