Bakı. 27 iyul. REPORT.AZ/ Türkiyənin Əmək və Sosial Müdafiə Nazirliyinin 1 180 əməkdaşı vəzifəsindən kənarlaşdırılıb.
"Report" "Anadolu"ya istinadən xəbər verir ki, həmin şəxslər ölkədə Fətullahçı terror təşkilatının (FETÖ) uğursuz dövlət çevrilişi cəhdi ilə bağlı aparılan istintaq tədbirləri çərçivəsində işlərindən uzaqlaşdırılıblar.
Məlumata görə, Dövlət Sosial Müdafiə Fondunda (SGK) 900, Dövlət Personal İdarəsində 23, İŞKUR-da 257 nəfər vəzifəsindən kənarlaşdırılıb.
Eyni zamanda, araşdırmaların davam etdirildiyi və bu sayının artacağı bildirilir.