Bakı. 12 mart. REPORT.AZ/ Türkiyənin Mardin vilayətinin Nusaybin rayonunda terrorçu PKK silahlılarının əl qumbaraları ilə törətdikləri partlayış nəticəsində 3 polis yaralanıb. "Report" xəbər verir ki, bu haqda Türkiyə KİV-i məlumat yayıb. Yaralı polislər Nusaybin Dövlət Xəstəxanasına çatdırılıb.
Hazırda bu bölgədə terrorçulara qarşı əməliyyat davam edir. Terrorçuların məhv edilməsi üçün rayona əlavə hərbi birləşmə göndərilib.