Türkiyənin baş naziri Rusiyaya səfər edəcək

Bakı. 28 noyabr. REPORT.AZ/ Türkiyənin Baş naziri Binəli Yıldırım dekabrın 6-7-də Rusiyaya səfərə gedəcək.

“Report” RİA "Novosti”yə istinadən xəbər verir ki, bu barədə baş nazirin adminstrasiyası məlumat yayıb.

Qeyd edək ki, bir müddət əvvəl Rusiyanın Baş naziri Dmitri Medvedevin dekabrın 6-da Binəli Yıdırımla görüş keçirəcəyi barədə məlumat yayılıb. Hökumət başçıları iki ölkə arasında iqtisadi-ticarət əlaqələrinin genişləndirilməsi məsələsini müzakirə edəcəklər.