Yuxarı
    Bağlamaq

    Antalyada partlayış baş verib - YENİLƏNİB

    hadisə nəticəsində yaralanan şəxslərin həyatı üçün təhlükə yoxdur

    Bakı. 25 oktyabr. REPORT.AZ/ "Ola bilsin ki partlayış qəza nəticəsində baş verib".

    "Report" Türkiyə KİV-inə istinadən xəbər verir ki, bunu Antalya bələdiyyəsinin sədri Menderes Türel bildirib.

    Onun sözlərinə görə, hadisə nəticəsində yaralanan şəxslərin həyatı üçün təhlükə yoxdur: "Bunun terror hücumu olmadığı ehtimalı da var". 

    Məlumata görə, dayanacaqdakı bomba yüklənmiş bir avtomobil partladılıb. Ancaq rəsmilər bu iddianı hələlik təsdiqləməyiblər.

    Hadisə ilə bağlı araşdırmalar davam edir. 

    *** 10:19

    Türkiyənin Antalya şəhərində Ticarət və Sənaye Palatasının Çevreyolu rayonu ərazisində yerləşən binasında partlayış olub.  

    "Report" "Haber7"yə istinadən xəbər verir ki, hadisə oktyabrın 25-də səhər saatlarında baş verib. 

    İlkin məlumata görə, partlayışda on nəfər yaralanıb. Partlayış yerinə çoxlu sayda təcili tibbi yardım maşınları, yanğınsöndürənlər və xilasedicilər cəlb edilib. 

    Hadisənin binanın avtomobil dayanacağında baş veridyi ehtimal olunur.

    Partlayışın baş vermə səbəbi hələlik bilinmir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi