Bakı.17 fevral. REPORT.AZ/ Türkiyənin hərbi ekspertləri Rusiya Silahlı Qüvvələrinin Rostov vilayətində "hərbi fəaliyyəti" təftiş etməyə başlayıb.
"Report" "RİA Novosti"yə istinadən xəbər verir ki, yoxlama fevralın 19-dək davam edəcək.
"RF-nin Müdafiə Nazirliyi Türkiyə Silahlı Qüvvələrinin təmsilçilərinə Rusiyanın Cənubunda təftiş aparılmasını təşkil edəcək. Təftiş ediləcək rayon Türkiyə tərəfindən müəyyən olunub. 14 min kv. km-lik bu ərazi Rostov vilayətini və Krasnodar diyarının bir hissəsini əhatə edir", - Rusiya Müdafiə Nazirliyinin Müqavilələrin icrasına nəzarət məsələləri üzrə İdarəsinin rəisi Sergey Rıjkov keçirilən tədbir haqda deyib.
Onun sözlərinə görə, 2015-ci ildə analoji tədbir ikinci dəfədir keçirilir. Məqsəd Rusiya hərbçilərinin həmin bölgədə fəaliyyətini araşdırmaqdır.